DAG 1

Dagen startar på perrongen på Oslo S. kl.13:45. Her vil Christer frå Vaaghals kome med matpakke til kvar enkelt som skal nytast på togturen oppover Gudbrandsdalen. På Otta Skysstasjon blir det buss for tog til Brimiland og Arne Brimi sin eteplass, Vianvang.

​

Kvelden på Vianvang startar med ein liten spasertur på ca. 500 meter. Ta på gode sko og klede til å være ute i. Inne på gardstunet handhelsa Arne Brimi på kvar og ein, før det blir nokre gode smakar både av fast- og flytande føde ute ved bålplassen. Når Arne ynskjer velkomne inn, ventar mykje god fingermat, før fleire smakfulle rettar blir servert ved bordet. Undervegs i måltidet vil Arne fortelje, skrøne, og invitere til ei omvising i vinkjellaren. Etter ein eventyrleg kveld på Vianvang, blir det buss til hotellet.

 

DAG 2

Ikkje stress. Nyt ein lang og god frukost. I dag startar dagen i Brimiland med aktivitetar i BrimiSkogen Klatrepark. Etter at kroppen har fått rørt på seg litt, blir det ein 3-retters bållunsj med småskrøning og historieforteljing ute ved bålkjøkenet. Når energinivået er på topp att, står teambuildingskonkuransane kokkekamp og brubygging for tur.

 

Etter at vinnaren har vorte kåra, og har fått både heider og ære, vil bussen rulle attende til hotellet. Etter litt kvile blir det ein 4-rettars middag, etterfylgt av sosialt i baren eller framfor peisen til seine nattetimar, for den som ynskjer det.

 

DAG 3

På avreisedagen blir det buss til Otta Skysstasjon, der toget rullar i retning Oslo S.

 

Takk for besøket!