Møterom med ei oppleving attåt? Legg du møtet til Norsk fjellsenter, får du med utsikt over fossande Bøvre og Reinheimen nasjonalpark. Her har dei møtelokale som passar til både små og store grupper. Eit stort vrimleareal, nytrekt kaffi, peis som dei gjerne fyrar på, fjellbibliotek, butikk og bokhandel. Ta ei pause frå møtet og få kulturelt påfyll i utstillinga Bergtatt, med eller utan guide.

I samarbeid med lokale bedrifter som Brimibue, Brimi Sæter, Fossheim hotell og Bakeriet i Lom, byr dei på lunsj og enkel servering med noko ekstra.